Thursday, 31 January 2013

ചില തോന്നലുകള്‍,അല്ലാതെന്താ :)



വര-  മാധവന്‍ 

























വൈകിയുണരുന്ന ചില പ്രഭാതങ്ങളില്‍

വെയില്‍ നൂലുകള്‍ പാവിയ 
പുല്മേടുകളില്‌നിന്ന്

ആരോ എന്നെ വിളിക്കുന്നു.

തേടുമ്പോള്‍, മുഖം തരാതെ
പരിഭവങ്ങള്‌ക്ക് ശ്രുതിയിട്ട്
ഇഷ്ടമെന്ന് പാടുന്നു



രത്നകിരീടമണിഞ്ഞ
തുഷാര പുഷ്പങ്ങളിറുത്ത് നീട്ടി

ഇനിയുമെന്തിനീ ശൂന്യ വൈഖരിയെന്ന്
എന്റെ മൗനത്തെ ശ്രവിച്ച്   തേങ്ങുന്നു

പ്രണയോല്‌കര്‌ഷം

എന്റെ പൊന്നേയെന്ന് പുണരാനൊരുങ്ങുമ്പോള്‌
മിഴികള്‍ക്ക് മീതെ അധരങ്ങളമര്‌ത്തി

വിരലുകളിലരുമയായ് തൊട്ട് 
യാത്രയെന്നവള്‌ മാഞ്ഞുപോകുന്നു



for a while ,
trying to call her back
i kept my head hidden under the pillow
and closed my eyes.
she did never stop
she never turned back
then,
there was a  misty rain ...
she vanished in it..

yes !...
you wont believe!!
in that hazy morning,
it was raining in Abudhabi..

Thursday, 17 January 2013

വിലാപങ്ങളുടെ നാവേ..


(വര.  മാധവന്‍    )
തെരുവുനീതിയുടെ വിളക്കുകാലുകളില-
ശ്ശവികളെ തൂക്കിലിട്ടേക്കാം

മൃഗതൃഷ്ണകളെ വൃഷ്ണച്ഛേദം ചെയ്ത്
പ്രായശ്ചിത്തംചൊല്ലി   ഏത്തമിടാം

പ്രതിഷേധത്തുറമുഖങ്ങളില്          

സ്ഖലിക്കുന്ന ജലപീരങ്കികള്‍ക്കുകീഴെ
സ്നാനതര്‍പ്പണങ്ങള്‍ചെയ്യാം

നഗരചത്വരങ്ങളില്‍ സ്തൂപങ്ങള്‍ വാര്‍ത്ത്
സ്മരണകളെ ശിരസ്സറുത്ത് വെക്കാം






വിലാപങ്ങളുടെ നാവേ..






മറവിയുടെ ചവറുവണ്ടികയറി
മനസാക്ഷിയുടെ, നാറുന്ന
വിളപ്പില്‍ശാലകളിലേക്ക് യാത്രയാവുക.

24 X  7

നിനക്കുപിന്നില്‍ വാര്‍ത്തകള്‍ തിരക്കുകൂട്ടുന്നു..

Thursday, 10 January 2013

തോമേട്ടനെ മറന്ന പുരോഹിതന്‍




ഞാന്‍വര  






  










 








അവന്റെ പിറവിക്ക് നേര്‍ന്ന വഴിപാട്കതിന 
നിറയിട്ട് പൊട്ടിച്ച വെടിത്തോമ

അവന്റെ കുഞ്ഞുകൈവിരല്‍ക്കൂട്ടില്‍
തുമ്പിച്ചിറക് പിടിപ്പിച്ച തോമപ്പാപ്പന്‍ 

കൊച്ചുപാപ്പാനവന്റെ പിഞ്ചു ചന്തിക്ക്
കളിയാനപ്പുറം നല്‍കിയ കുടുംബകാര്യസ്ഥന്

കാലത്തിന്റെയൊരിടന്നാഴിക്കിപ്പുറം
പുരോഹിത വസ്ത്രത്തിന്റെ വെണ്മയില്‍..

അവന്റെ ദൈവീക കുശലം..

"എന്താ തോമസ്സേ''

വെളുത്ത അന്ധകാരത്തില്‍
തോമേട്ടനൊപ്പം,പുണ്ണ്യാളനും
അപ്രത്യക്ഷനായി..







പെണ്ണ്

ഒറ്റനോട്ടത്തിലവരെങ്ങനെയാണ് നമ്മളെ പൂമരങ്ങളാക്കുന്നത് ?