വെയില്‍ക്കാലങ്ങളില്‍ന്നിന്ന്



























യാത്രകളുടെ പ്രഭവങ്ങളില്‍

വെയിലിഴനെയ്ത തണലൊരുക്കിയവര്‍

ആസന്നമായൊരുജലപാതത്തിലേക്കെന്നപോല്‍

ഒഴുകിമറയുമ്പോള്‍

വിരക്തിയുടെ പായല്‍മുഖങ്ങളില്‍ക്കണ്ടു

അരാലും വായിക്കപ്പെടാതെ

അനാദികാലമനാഘൃതമായിക്കിടന്ന

വൃക്ഷഭാഷയുടെ മന്ത്രാക്ഷരികള്‍,

പ്രയാണപ്രവേഗത്തിന്റെ വശ്യസീമയില്‍

അവയിലൊന്നും തിരിയാതെപോയി.

ഒടുവിലെപ്പൊഴോ,

കാഴ്ച്ചകള്‍ ശൂന്യപ്പെട്ട അനന്താകാശത്തിന്റെ അപാരതകള്‍ക്ക് കീഴെ

വെയില്‍ക്കാലങ്ങള്‍ തരിശിട്ട  തീവഴികളില്‍ വെച്ച്

തീവ്രസാധനയുടെ ഉപ്പുകല്ലില്‍ മുട്ടുകുത്തി സ്വായത്തമാക്കി,

അതുവരെയും വായിക്കപ്പെടാതെക്കിടന്ന

ആ പൂര്‍വികത്തരുലിപികളിലെ മൗനസൂക്തങ്ങള്‍.

കാലപാതത്തിലേക്കൊഴുകിമറഞ്ഞ

തണല്‍തലപ്പുള്ള പായല്‍ മുഖങ്ങളില്‍നിന്നും

പുതിയ കാലത്തിന്റെ  പ്രതലപ്രകാശങ്ങളിലേക്ക്

ഞാനതു പകര്‍ത്തുന്നു,

നമ്രശിരസ്കനായ് സമര്‍പ്പിക്കുന്നു..

വെയിലിഴപാവിയ തണല്‍ വിരിച്ച്,

കാലപ്രയാണത്തിന്റെ പൊരുള്‍വഴികളിലെനിക്ക് വഴിമരങ്ങളായവര്‍ക്ക് ....

നന്ദിപൂര്‍വ്വം.

Comments

  1. കവിതയുടെ പേരിനേക്കാള്‍ ഗൗരവം കവിതയ്ക്കുള്ളിലുണ്ട്.

    വിരക്തിയുടെ പായല്‍മുഖം :)
    പ്രയോഗം ഇഷ്ടമായി!

    ReplyDelete
  2. -കവിത സുന്ദരം :)
    ചില അക്ഷരപ്പിശകുകള്‍ ഉണ്ടോ?

    ..ലേക്കൊഴുകി മറയുമ്പോള്‍
    ആസന്ന ജലപാതത്തിലേക്കെന്ന പോല്‍ (ഇത്ര പോരേ?)
    വശ്യസീമ (ഒറ്റവാക്കാണ്, പല പ്രമുഖ ബ്ലോഗിലും ബ്ലോഗ് വിലയിരുത്തലുകാരിലെ റിപ്പോര്‍ട്ടുകളിലും കാണാം ഇത്തരം ഇഴയടുപ്പമില്ലായ്മ)
    തിരിയാതെ പോയി എന്നത് മലബാര്‍ അല്ലേ? :))
    വെയിലിഴപാവിയ (വെയിലിഴ പാകിയ?)

    ReplyDelete
  3. valare nannayittundu..... aashmasakal........

    ReplyDelete
  4. നന്നായി ഈ പ്രഭവപ്രഭാവം.വെയില്‍ തിന്ന് തണലൊരുക്കി പുറകില്‍ മറയുമ്പോള്‍ ആരാലും വായിക്കപ്പെടാതെ കിടക്കുന്ന വൃക്ഷഭാഷ,മനോഹരം.അവസാന വരികള്‍ വരെ,കവിത ആശയ ഗാംഭീര്യത്തിന്റെ നിരശോഭയില്‍ ...!

    ReplyDelete
  5. കവിത നന്നായി.

    ReplyDelete
  6. കവിത നന്നായി.. നല്ല പ്രയോഗങ്ങള്‍....

    ReplyDelete
  7. വെയിലേറ്റുവാങ്ങി തണല്‍ കോരിച്ചൊരിഞ്ഞ വഴിമരങ്ങളേ.......


    നന്നായിട്ടുണ്ട്, ഭാവുകങ്ങള്‍.

    ReplyDelete
  8. മദ്ധ്യാഹ്ന തീന്‍ മേശയെ വെയില്‍ നക്കുന്നു. രതിയെയും. !

    ReplyDelete
  9. നന്ദി മാഷിന്,മുകിലിന്,ഇലഞ്ഞിപൂകള്‍ക്ക്,ജയകുമാറിന്,നാമൂസിന്,കാവലാന്,നിശാസുരഭിക്ക്... വായനക്കും അഭിപ്രായങ്ങള്‍ക്കും

    ReplyDelete
  10. വൃക്ഷഭാഷ സുന്ദരം......

    ReplyDelete

Post a Comment

അഭിപ്രായമുണ്ടോ....?